«Уйғур авази» гезити, 10 ноябрь 2016 ж.

26 — 31-октябрь күнлири Астанада XVIII җумһурийәтлик һәрбий нахшилар фестивали өтти. Униңға елимизниң җай-җайлиридин 350 қатнашқучи иштрак қилди. Шуларниң қатарида «Нурсултан Назарбаевниң маарип фонди» җәмийәтлик фонди шөбисиниң йолланмиси билән «Арыстан» һәрбий лицейиниң оқуғучилириму қатнашти. Конкурста лицей оқуғучилириниң хор коллективи вә домбричилар триоси һүнәр көрсәтти. Улар композитор вә мәзкүр лицейниң музыка рәһбири Һебибуллам Сетәковниң https://parvaz.kz/index.php/khabibulla-setekov «Қазақ елі» вә «Будущие офицеры» нахшилирини орунлап, жюри әзалириниң алий баһасиға еришти. Шундақ қилип, конкурсниң «Вокал-хор коллективлири» номинацияси бойичә «Арыстан» лицейиниң хори биринчи орунни егилиди.

Қошумчә қилиш керәкки, 9-ноябрь күни Қарағанда вә 10-ноябрь күни Астана шәһәрлиридә Шанхай филармониясиниң симфониялик оркестриниң чоң концертлири өтиду. Мәзкүр концерт программисиға П.Чайковский, Бородинниң симфониялири қатарида талантлиқ композитор Һебибуллам Сетәковниң «Мән һаят» симфониясиму киргүзүлгән.

Йолдаш МОЛОТОВ.

http://uyguravazi.kazgazeta.kz/?p=26960#more-26960

«Уйғур авази» гезити, 10 ноябрь 2016 ж.

Йеқинда маһир уссулчи Мадина Сәйдурукова асасини салған, һә башқуруп келиватқан «Ирадә» https://parvaz.kz/index.php/irada-m-saydirukovoy уссул ансамбли җәнубий пайтәхттә йеңидин қәд көтәргән һашамәтлик «Достлуқ» сарийида он жилға тақап қалған паалийитиниң һесавити сүпитидә чоң концерт бәрди. Концертта ансамбльниң «Достлуқ» вә «Айнабулақ» микрорайонлири билән Талғир наһийәсиниң Бесағаш йезисидики шөбилиридә тәлим еливатқан уссул шәйдалири өз һүнәрлирини көрсәтти. Уларниң чоң сәһнигә жуқури тәйярлиқлар билән кәлгәнлиги бирдин байқилип турди. Мәсилән, уссулчилар һәрхил милләтләрниң уссуллирини иҗра қилғанда, кийгән кийимлириниң шу милләткә хас алаһидиликлиригә мас келиши һәм сүпәтлик вә чирайлиқлиғи заманивий түстә безәлгән сәһнигә бәкму ярашти. Шундақла залда жиңнә санчиғидәк орун қалмиғанлиғи, уссулчиларға кәйни-кәйнидин гүлдәстиләрниң тәғдим қилиниши «Ирадә» уссул ансамбли мухлислириниң көп екәнлигидин далаләт бәрсә, орунланған һәрбир уссулниң гүлдүрлигән чаваклар билән қарши елиниши — сәнъәткарларниң маһарити билән қабилийитигә берилгән әң алий баһа болди.

«Уйғур авази» гезити, 10 ноябрь 2016 ж.

Адәттә, Әкбәровлар  әвладини «Сәнъәткарлар сулалиси» дәп атайду. Әсқәрҗан Әкбәров Уйғур театриниң асасини салғучиларниң бири болса, Қазақстан Җумһурийитиниң хәлиқ артисти Зенәт Әкбәрова вә атақлиқ уссулчи Адаләт Әкбәроваларниң исмини көпчилик яхши билиду. Әйнә шу сәнъәткарлар сулалисиниң йәнә бир көрнәклик вәкили, даңлиқ музыкант, Қазақстан Җумһурийитиниң хизмәт көрсәткән әрбаби, профессор вә дирижер Әнвәр Әкбәровтур. Мошу күнләрдә атақлиқ маэстро өзиниң 70 яшлиқ тәвәллудини нишанлимақта.

Жуқурида ейтқинимиздәк, Әсқәрҗан Әкбәров Уйғур театриниң асасчилириниң бири һәм даңлиқ сәнъәткар болған. Миллий саз әсваплирини жуқури маһарәт билән чалидиған һәм өзиму музыка иҗат қилатти. Униң мошу хислити оғли Әнвәрдә өз әксини тапти.

— Мениң устазлардин тәлийим болди, — дәйду Әнвәр Әкбәров. – Дәсләпки устазим — дадам. Музыка мәктивигә кәлгинимдә, емтиһан еливатқанлар арисида Қазақстан «скрипкичилар мәктивиниң» асасини салғучиларниң бири  Нина Патрушева бар екән. Әсвапни қолға еливедим, у «Бу балиниң қоллирини қараңлара, мән өз синипимға алимән» деди. Шундақ қилип, емтиһанму тапшурмидим.

Әнвәр акиниң ейтишичә, мәктәптә оқуватқан пәйтлиридә скрипка челиш маһаритини ашуруштин ташқири, Алмутида өтидиған һәрқандақ классикилиқ музыка дуниясида йүз бериватқан чарә-тәдбирләргә паал қатнишип кәлгән екән. Буму униң үчүн чоң мәктәп болған. Мәктәпни тамамлиғандин кейин консерваториядә исми ривайәткә айланған устаз Вениамин Хессниң синипида оқуйду. Бу яш сәнъәткар үчүн чоң бәхит болғанлиғи ейтмисиму чүшинишлик.

— Вениамин Хесс наһайити тәләпчан устаз еди, — дәйду сөһбәтара Әнвәр ака. – Қәтъий тәртип, һәтта бәзидә һәрбий тәртип тәләп қилатти. Әң муһими, устазимиз бизгә әхлақ қәдрийәтлирини сиңдүрди. У дайим «Сәнъәт йоли – қийин йол. Униңда пәқәт ирадилик, әхлақ җәһәттин күчлүк шәхсләр маңалайду»,  дәйдиған.

Әнди Москва консерваториясиниң аспирантурисиға Әнвәр Әкбәров тарлиқ әсваплар квартети тәркивигә чүшиду. Конкурс наһайити күчлүк болған. Бу йәрдә у профессор Асатур Григоряндин тәлим алиду. Әнвәр ака Москвадиму, адити бойичә, классикилиқ музыка дуниясидики барлиқ муһим вақиәләргә иштрак қилиду. Москвада талантлиқ музыкант, улуқ скрипачлар Давид Ойстрах вә Леонид Коган һәм исми аләмгә мәшһур виоленчелист Мистислав Ростропович билән тонушиду. Исимлири дунияға тонулған шәхсләр билән мунасивәт Әквәр Әкбәровни техиму илһамландуриду.

Москвадин қайтип кәлгәндин кейин Әнвәр Әкбәров 1973 – 1979-жиллар арилиғида Қазақ филармониясиниң тарлиқ әсваплар квартетиға рәһбәрлик қилиду. Шагиртлири, һазир А.Жубанов намидики дөләт квартетиниң әзалири: «Устазимиз бизни қолумиздин йетиләп елип кәлгән. Дәсләп бәзилиримизниң үстәлдә олтарғанда путлири полға йәтмәйдиған» дәп әсләйду.

«Уйғур авази» гезити, 10 ноябрь 2016 ж.

Йеқинда А.Розибақиев намидики 153-мәктәп-гимназиядә хәлқимиз ичидин чиққан даңлиқ боксчи, Кеңәш Иттипақиниң икки дүркүн чемпиони, актер һәм рәссам Абдурешит Абдрахмановниң 70 жиллиқ тәвәллудиға беғишланған тәнтәнилик кәч болуп өтти. Униңға тәвәллуд егисини тәбрикләп «Уйғур авази» гезитиниң баш муһәррири Ершат Əсмәтов, Достлуқ мәһәллисиниң чоң жигитбеши Инәмҗан Худайбәрдиев, мәзкүр мәһәллиниң турушлуқ өй кооперативи җәмийитиниң рәиси Пәрһат Сайитов вә бирқатар меһманлар билән аилә әзалири вә дост- бурадәрлири қатнашти.

Тәнтәнилик кәч мабайнида риясәтчиләр Абдурешит Абдрахмановниң һаяти, иш-паалийити һәм қазанған утуқлириға тәпсилий тохталса, кәч меһманлири исми ривайәткә айланған шәхсни шанлиқ тәвәллуди билән тәбрикләп, униң һаяти бүгүнки яш әвлатқа тепилмас үлгә екәнлигини алаһидә қәйт қилди. Шундақла бу күни униң актерлиқ паалийити тоғрилиқму әтраплиқ сөз болуп, Абдурешит Абдурахманов баш рольларниң бирини ойниған «Чемпион» фильмидин үзүндә көрситилди.

Мәрасим ахирида мәктәп-гимназияниң мудири Шавкәт Өмәров тәвәллуд егисини гимназия коллективи вә оқуғучилар намидин сәмимий тәбрикләп, униңға баһалиқ соғиларни тапшурди. У шундақла исми өз вақтида Кеңәш Иттипақиға тонулған уйғур оғлинини барчиға үлгә қилип, оқуғучиларни тинмай әмгәк қилишқа, өз үстидә ишләшкә вә бойидики камчилиқларни түзитишкә чақирди.

«Уйғур авази» гезити, 10 ноябрь 2016 ж.

Өткән һәптиниң пәй­шәнбә күни Уй­ғур театриниң 83-мәв­сүми, көплигән тамаши­бинларниң тәли­вигә бола, «Идиқут» тарихий әсәри билән ечилди. Өтмүшимизни әсли­тидиған бу тарихий әсәрниң көпчиликниң көңлидин чиқти, дәп ойлаймиз. Биз һәмсөһбәттә болған тамашибинларниң бири, шаир Абдуғопур Қутлуқ мәзкүр әсәрни йезишта униң муәллипи, хәлиқара «Алаш» мукапитиниң са­һиби, Қазақстанниң хизмәт көрсәткән әрбаби Әхмәтҗан Һашириниң көп әмгәк қилғанлиғини алаһидә тилға алди. Шуниң билән биллә тамашибин сүпитидә уни сәһниләштүргән ре­жиссер, Қазақстанниң хиз­мәт көрсәткән әрбаби Ялқунҗан Шәмиевниң, шундақла көплигән сәнъәт­карларниң өзлиригә жүк­ләнгән вәзипиниң һөд­дисидин утуқлуқ чиқ­қанлиғиниму атап өтти.

Театрдики һечбир спектакль яки концертлардин қалмайдиған Өмүрнисахан исимлиқ анимизниңму театр рәһбәрлиги билән артистлириға мин­нәт­дарлиғи чәксиз. «Театр рәһбәрлигиниң тарихий мавзуға мураҗиәт қилғини тоғра бопту. Бу әсәр келәчәк әвладимиз үчүн пүтмәс-түгимәс байлиқ», дәп дәсләп у өзиниң хошаллиғи билән бөлүшти. Шундақла анимиз тамашибинлар тәрипидин йол қоюлған бәзибир камчилиқларниму байқап олтирипту. Униң ейтишичә, спектакльниң биринчи бөлүми түгәп, тәнәпус елан қилинғандин кейин, бәзи тамашибинлар орунлириға қайтип кирмигән. «Бу бизниң бай мәдәнийитимизгә болған һөрмәтсизлик» дәп өз рәнҗишини билдүрди Өмүрнисахан ана.

От имени всех участников сообщества уйгурских исполнителей «Парваз» и наших читателей  поздравляем  наших именинников – актеров Государственного Уйгурского театра музыкальной комедии им.К.Кужамьярова Мирзахмята  Ушурова https://parvaz.kz/index.php/mirzahmet-ushurov с юбилеем 65 лет (12 ноября),  Гайрата Тохтибакиева (13 ноября) и популярного исполнителя, участника сообщества «Парваз» Нуриддина Газиева https://parvaz.kz/index.php/2012-04-11-15-20-12 (13 ноября). Желаем всем крепкого здоровья, мира и добра им и их близким, новых творческих успехов, песен и ролей.

Туғулған күнүңлар мубарәк болсун!

7 ноября на сцене Казахской Государственной Филармонии им.Жамбыла, при полном аншлаге, прошел концерт Лауреатов Международных конкурсов ансамбля национального танца «Таджиниса» https://parvaz.kz/index.php/2012-04-11-15-38-48 и их маленьких преемников «Танцующие бутончики» под названием «На крыльях мечты!». Зрители тепло приветствовали участников концерта. Поддержать коллектив пришли солисты Государственного уйгурского театра муз.комедии им.К.Кужамьярова Дильбар Бурханова https://parvaz.kz/index.php/dilbar-burkhanova , Фируза Джалалова https://parvaz.kz/index.php/feruza-djalalova, Алимжан Абдуллаев, композитор и исполнитель Артур Илахунов https://parvaz.kz/index.php/2012-04-11-15-12-21, хореографический ансамбль «Интизар» https://parvaz.kz/index.php/intizar под руководством Захиды Акпировой, учащиеся музыкальной школы-гимназии № 79. От имени участников сообщества уйгурских исполнителей «Парваз» поздравляем весь коллектив и худ.руководителя Гульбахар әдә Касымову с грандиозно прошедшим концертом и желаем новых творческих высот и побед.

6 ноября в концертном зале «Алатау» прошел девятый отчетный концерт танцевального ансамбля «Ирада» под руководством Мадины Сайдыруковой. Концерт прошел при полном аншлаге и на одном дыхании. Все участники с мала до велика показали на сто процентов свое мастерство. От имени участников сообщества уйгурских исполнителей «Парваз» поздравляем коллектив с прекрасно прошедшим концертом и желаем дальнейших творческих успехов, пусть ряды ансамбля растут изо дня в день. В качестве гостей концерта выступили популярные исполнители Артур Илахунов https://parvaz.kz/index.php/2012-04-11-15-12-21 , Расул Заитов https://parvaz.kz/index.php/2012-04-11-15-14-32, Ахметжан Таиров https://parvaz.kz/index.php/ahmetjan-tairov , Марат Саутов https://parvaz.kz/index.php/maratjan-sautov , Расул Курбанов https://parvaz.kz/index.php/rasul-kurbanov , гр.DILDAR https://parvaz.kz/index.php/dildar-group, Азиз Суметов https://parvaz.kz/index.php/azizjan-simetov , Расул Иминов https://parvaz.kz/index.php/rasul-iminov , шоу-группа Diyor и другие артисты. Ведущим вечера был шоу-мен Мурат Айсаров https://parvaz.kz/index.php/maisarov .