«Уйғур авази»  гезити 10 март, 2016 жил

Турған Һезимов: «Акамниң мәслиһити билән артист болдум».

Қ.Ғоҗамияров намидики җумһурийәтлик дөләт Уйғур музыкилиқ комедия театриниң талантлиқ актери Турған Һезимов һаятиниң 50-даваниға көтирилди. Шу мунасивәт билән оқурмәнләр диққитигә униң билән болған сөһбәтни һавалә қиливатимиз.—  Һәр бир сәнъәткарниң һаят йоли болиду. Шу йол униң кейинки паалийитини бәлгүләйду. Сәнъәт йолини таллавелишиңизға ким яки немә сәвәп болди?

— Мәктәптә оқуп жүргән чағлиримда һәрхил сәнъәт көрүклиригә қатнишаттим. Чоң болғансири сәнъәткә болған иштияқим техиму күчийип, мәктәпни тамамлап, һөҗҗәтлиримни Алмутидики П.И. Чайковский намидики музыка училищесиға тапшурдум. Лекин, тәләйгә қарши, емтиһандин ғулап кәттим. Ана жутум Пәнҗимгә қайтип келип, Мәдәнийәт өйиниң мудири Қасим Сейитов вә шу жиллири йезимизда паалийәт елип бериватқан «Шатлиқ» хәлиқ ансамблиниң рәһбири Әмирдин Аманбаевниң тәкливи билән мәзкүр ансамбльға сазәндә болуп ишқа орунлаштим.  Арида һәрбий хизмитимни өтәп кәлдим.  Бир күни Алмутидин актер һәм режиссер Муһит  Һезимов келип: «Бу жили Т.Жүргенов намидики сәнъәт институтида актер мутәхәссислиги бойичә уйғур бөлүми ечилиду, шу йәрдә оқамсән?», дәп сорап қалди. Мән ойлинип: «Мениңдә актерлуқ қабилийәт барму, қандақ болидекин?», дәп иккиләндим. Муһит ака маңа шеир, қара сөзләрни оқутуп көрүп, «өзәңни синап көргин», дәп мәслиһәт бәрди. Бу қетим тәлийим болуп жуқурида нами аталған билим дәргаһиға оқушқа чүшүп, уни 1993-жили тамамлидим вә жутумға қайтип кәлдим. 1994-жили йәнә Әмирдин Аманбаевниң вә шу жиллири колхоз рәиси болған мәрһум Азат Мәшүровниң тәкливи билән «Шатлиқ» хәлиқ ансамблиниң бәдиий рәһбири болуп сайландим. Лекин заман өзгәргәндин кейин, ансамблимиз тарқап кәтти.  Һәрким өз тирикчилиги билән бәнт болуп қалди. 1995-жили икки ай давамида тарихий вәтинимиздә иҗадий сәпәрдә болуп, қайтип кәлгәндин кейин, жутдашлирим Қурванҗан Һәмраев, Аманҗан Қасимов билән бирликтә  «Тәклимакан» топини қурдуқ. Бу топ «Яркәнт-96» фестивалида Гран-Прини елишқа муйәссәр болди. 1997-жили Полат Һезимовниң тәкливи билән Уфа шәһиридә өткән түркий тиллиқ хәлиқләр эстрада ансамбльлириниң «Урал МОҢО» хәлиқара  конкурсиға қатнишип, 2-орунни егиләп, лауреат аталдуқ. 2001-жилдин  Уйғур театрида ишләватимән.

«Уйғур авази»  гезити 10 март, 2016 жил

Йеқинда Әмгәкчиқазақ наһийәсиниң Ғәйрәт йезисида новәттики «Яшлар мәшриви» өтти. Адәттикидәк, рәсим-қаидилиригә мувапиқ башланған мәшрәпниң давами күтүлмигән қизиқчилиқларға улашти. Чүнки уйғурлар арисида «шансончи» дегән намға сазавәр болған Алимҗан Зулпиқаров таланти билән жутдашлиримизни һәйран қалдурди. Әнди «Мезан өйи» телепрограммисиниң қатнашқучиси Рашид Давутов мәшрәпниң мәзмунини техиму бейитти. Хошна Маливай йезисидин қәдәм тәшрип қилған «Тәңритағ» ансамбли билән қаратуруқлуқ Назим Илахуновниң дилраба нахшилири сорунға миллий түс берип, көпчиликниң көңлидин чиқти. Равиль Бақиевниң өткүр чақчақлири болса, мәшрәпкә техиму «җан киргүзүп», көпчиликни күлкигә ғәриқ қилди.

«Уйғур авази»  гезити 10 март, 2016 жил

Өткән пәйшәнбә күни Талғир наһийәсиниң Туздыбастав йезисидики Мәдәнийәт өйидә 8-март — Хәлиқара аяллар күнигә беғишланған чоң концерт болуп өтти. Мәзкүр мәйрәмлик чарә-тәдбир бу қетим ушбу жутниң яшлири тәрипидин тәйярланди.Дунияда әң меһриван инсанлар һөрмитигә уюштурулған концертта иҗра қилинған нахша-сазлар һәммиси дегидәк анилар билән момилар вә һәдиләр билән сиңиллар һәққидә болди. Тонулған сақи Шатлиқ Худайқуловниң риясәтчилигидә ханим-қизларға соға сүпитидә өткән концертлиқ программа, уларға һәқиқәтәнму алаһидә хуш кәйпият беғишлиди. Чүнки бу күни исми көпчиликкә яхши тонуш һәм әндила миллий сәнъитимизгә қәдәм ташлиған яш нахшичи-сәнъәткарлар барлиқ һүнирини намайиш қилип, имканқәдәр назук җанларниң көңлини елишқа тиришти. Мәсилән, тонулған сәнъәткарлар Артур Илахунов, Рустәм Ниязов, Җимиләм Әмәтова, Таймир Керимов, Маратҗан Савутов вә туздыбаставлиқ сәнъәткарлар Чинғиз Йолдашев билән Җөһәргүл Сасиқова орунлиған хәлиқ нахшилирини тамашибинлар қизғин қарши алди. Шундақла бу йәргә ХХҖдин кәлгән нахшичи Гүлбаһар Реһимниң (сүрәттә) https://parvaz.kz/index.php/gulbakhar-rakhim қәдәм тәшрип қилиши вә аниларға беғишлап бир җүп нахшисини һәдийә қилғанлиғи тамашибинларға һәқиқәтәнму күтүлмигән соға болди.

Курванжан Ахатов работает артистом оркестра в «Astana Opera»(г.Астана). Скоро мы подробнее напишем о нем на нашем сайте. А пока предлагаем вашему вниманию видео со стажировки в Риме, где сейчас находится Курванжан с группой артистов из Казахстана. Композицию, которую играют музыканты написал композитор и продюсер группы "Дервиши" Дильмурат Бахаров http://www.dilmuratbakharov.kz/.
Курванжан Ахатов(виолончель), Гульдана Толепберген(фортепиано) - Размышление (автор композиции Дильмурат Бахаров) Выступление в Риме март 2016 г.

Dim lights Embed Embed this video on your site

Сегодня отмечает свой 38 День Рождения наш бессменный видеоператор, руководитель студиb «Davir» Долкун Шавдунов http://www.parvaz.kz/index.php/dshavdunov . От имени всех участников сообщества уйгурских исполнителей «Парваз» и наших читателей поздравляем Долкуна и желаем ему крепкого здоровья, мира, достатка, творческих успехов и оставаться таким же веселым другом и товарищем.

Туғулған күнүңиз мубарәк болсун, Долкун!

Әссалау әләйкүм әтивалиқ момилиримиз, нураний анилиримиз, меһирван һәдә-сиңиллиримиз, қизил гүлдәк ечилған қиз-келинлиримиз! Силәрни баһарниң бүгүнкидәк очуқ-йоруқ күнлиридә 8-норуз - Хәлиқ ара Ханум-қизлар мәйрими билән чин қәлбимдин сәмимий тәбрикләймән!

Дунияни, һаятни тирәп турған муһәббәт дәп қойиду. Һә, у кимниң муһәббити? Әлвәттә, Аниларниң иссиқ меһир-муһәббити! Муқәддәс Қуръан-Кәримдиму "Жәннәтниң ишиги- Аниларниң тапини астида" дәптекән. Наһайити тоғра гәп. Шуңлашқа аниларға һөрмәт көрсәткәнлигимиз - пәрзимиз. Ханум-қизлиримизға бәхит-амәт, пухта саламәтлик, паравән һаят, узун өмүр тиләймиз! Мәйримиңлар мубарәк, әзиз жанлар!

Абдулжан АЗНИБАҚИЕВ http://www.parvaz.kz/index.php/abduljan-aznibakiev

Мәйримиңлар мубарәк болсун анилар, ханим қизлар!
Поздравление для наших милых бабушек, мам, сестер, сестренок от артистов)))). Съемки "Happy Studio". Отдельное спасибо этно-ресторану "Ахат".

Dim lights Embed Embed this video on your site

Сегодня 8 марта легендарному джазмену Тахиру Ибрагимову исполнилось бы 69 лет. Помним, любим, скорбим… Подробнее о музыканте на сайте «Парваз» по ссылке https://parvaz.kz/index.php/takhir-ibragimov-taha