«Уйғур авази» гезити, 17 март 2016 жил

Адәттә, қәлби таза инсанни тәғдирниң өзи сәнъәткә башлайдиғандәк билиниду маңа. Әйнә шундақ гөзәл һәм қәлби таза яралған инсанни армини адаштурмай сәнъәт билән тепиштурди. Алмутидәк гөзәл шәһәрдә туғулуп, шу чирайлиқ шәһәрниң барлиқ яхши хисләтлирини өз бойиға сиңдүргән чирайлиқ қизниң Қурманғазы намидики консерваторияниң театр факультетиниң актерлиқ маһарәт кафедрисиға келәчәк кәспини издәп келишиму қануний еди. Исми ривайәткә айланған сәһнә маһири, Кеңәш Иттипақиниң хәлиқ артисти Хадиша Бөкееваниң синипида дәрис алған яш студент 3-курста оқуветипла М.Әвезов намидики Қазақ дөләт академиялик театриға ишқа қобул қилинди. Қазақ сәнъитиниң алтун бөшүги һесапланған баш театр сәнъәткә болған қизиқиши алаһидә, әҗайип гөзәл уйғур қизини бирдинла өз қойниға алди. Шуниңдин бери сәһнини жүриги билән сөйүп, һәрбир роли бар вуҗуди билән иҗра қилған бу актрисини театр өз қучиғидин қоюп бәрмиди. Иҗадий һаятини мошу театр билән чәмбәрчас бағлап әмгәк қиливатқиниға әллик жил болған Раһиләм Мәшүрова бүгүн Қазақстан Җумһурийитиниң хизмәт көрсәткән артисти, «Парасат», «Құрмет» орденлириниң, мустәқил «Илһам» мукапитиниң саһиби, профессор, «Қазақстан білім беру ісінің үздігі». Мошу жиллар давамида у елимизгә тонулған сәһнә падишаси вә салаһийәтлик устаз шәхс сүпитидә қелиплашти. Исми хәлиққә кәң тонуш Раһиләм Абдурахман қизи мошундақ егиз чоққилардин ешип, һаятиниң мәзмут пәллисигә кәпту дегән гәпни аңлиғанда ишәнмигәнләрму көп болди. Өткәндә өзиниң алий инсаний пәзиләтләр билән хәлиқ қәлбигә йеқин талантлиқ актриса сәһнидики 50 жиллиқ әмгигигә һесават берип, бенефисини өткүзди.

Бенефис башланмай туруп кәчкә жиғилған тамашибинлар Раһиләм Мәшүрова тоғрилиқ чүширилгән һөҗҗәтлик фильмни тамашә қилди. Актрисиниң маһаритини һәртәрәплимә ечип көрсәткән һөҗҗәтлик фильмда театрниң мудири Ерлан Биләлов, кәсипдашлири — Қазақстан хәлиқ артисти, профессор Есмухан Обаев, режиссер Әубәкир Рахимов, сәһнидики кәсипдиши, Қазақстанниң хизмәт көрсәткән артисти Жумагүл Мейрамова, Қазақстанниң хәлиқ артисти Роза Рымбаева, Салтанат Бақаева охшаш сәнъәткарлар у һәққидә иллиқ тиләклирини билдүрди. Раһиләм Абдурахман қизиниң инсаний пәзиләтлирини сәһнидики вә актрисилиқ маһаритини ейтип бәрди.

«Уйғур авази» гезити, 17 март 2016 жил

Өткән һәптидә қирғизстанлиқ уйғурлар һаятида муһим тарихий вақиә йүз бәрди. Уйғурларниң «Иттипақ» җәмийәтлик бирләшмисиниң тәшәббуси билән Бишкек шәһиридә миллий мәдәнийәт очиғи — театр селиш мәсилиси көтирилди. Ушбу хушхәвәрни аңлиған барлиқ уйғур қериндашлиримиз шәһәрниң нәқ мәркизигә җайлашқан һашамәтлик «Ават» кафесиға жиғилди.

Уйғурларниң тарихидин учур беридиған әхбаратлар, рәсимләр вә бүйүк мутәпәккүр алим, язғучиларниң тәрҗимиһали берилгән тахтиларниң илиниши һәм меһманларни миллий кийимләрдә иллиқ қарши еливатқан қизларни көргән һәрқандақ киши һаяҗанға бөләнмәй қалматти. Адәмләрниң мәйрәмлик кәйпиятини залда яңраватқан дилға арамбәхш дәмләрни беғишлайдиған миллий нахша-сазлар техиму жуқури дәриҗигә көтирәтти. Әйнә шундақ түс алған марафонда дәсләпки сөз «Иттипақ» җәмийәтлик бирләшмисиниң рәиси Артиқ һаҗим Һаҗиевқа берилди:

— Һөрмәтлик вәтәндашлар! – дәп сөзини башлиди натиқ. – Биз, қирғизстанлиқ уйғурлар, қериндаш қирғиз хәлқи билән инақ-иҗил вә бир дәрәқниң шахлири кәби бир-биримизгә яр-йөләк болуп яшаватқанлиғимиз түпәйли, миллий мәдәнийитимизниң мәркизи болушқа тегиш Уйғур театрини селиш мәсилисини көтәргинимиздә, улар бир еғиздин қоллап-қувәтлиди. Ениғирағи, мошу жилниң февраль ейида «Иттипақ» җәмийитиниң йүздин ошуқ әзаси қатнашқан кәңәйтилгән мәҗлистә Уйғур театрини селиш қарари қобул қилинип, һөкүмәт органлириға мураҗиәт йоллиған едуқ. Униңға иҗабий җавап кәлди. Бу, әлвәттә, хошал боларлиқ әһвал. Шәхсән мән өзәмниң вә пүткүл қирғизстанлиқ уйғурлар намидин Президентимиз Алмазбек Атамбаевқа һәм қирғиз хәлқигә чәксиз миннәтдарлиғимни изһар қилимән. Әнди бүгүнки марафонға кәлсәк, рәис сүпитидә шуни яхши чүшинимәнки, бу иш бир күндә пүтмәйду вә көп миқдарда мәбләғ тәләп қилиниду, һәтта биз, һазир бу ишни қолға еливатқанлар, уни ахириға йәткүзәлмәй қелишимизму мүмкин. Амма биздин кейинки әвлатларниң бу изгү ишни чоқум давамлаштуридиғанлиғиға камил ишинимән вә бу иштин һечбир қериндишимизниң чәттә қалмайдиғанлиғиға үмүт қилимән.

«Уйғур авази» гезити, 17 март 2016 жил

Яш сәнъәткарларға йеңи мүмкинчилик яритип келиватқан «ARTUR   PRODUCTІON» продюсерлиқ мәркизи вә «VAY TANG» дуэтиниң уюштуруши вә «Пәрваз» иҗрачилар бирләшмисиниң қоллап-қувәтлиши билән йеқинда Ө.Жолдасбеков намидики Студентлар сарийида «Яңра, нахшам» гала-концертиниң III бөлүми болуп өтти. Бу концерт тамашибинларға йәнә бир қетим мундақ чарә-тәдбирләр сүпитиниң һәр җәһәттин яхшилиниватқанлиғини испатлиди. Униң ичидә риясәтчиләрниң концертни жүргүзүш өзгичилиги, сәһниниң алаһидә безилиши, йеңи нахшиларниң иҗра қилиниши, уссулчилар топлириниң уссул қоюлумлири, концертниң уюштурулуш дәриҗисиниң үстүнлүги вә умумән тамашибинларниң арқа-арқисидин сәнъәткарлиримизни қоллиған җараңлиқ алқишлири — буниң ярқин мисали. Қазақстан уйғур эстрадисиниң йәккә нахшичилири вә топлиридин тәркип тапқан концерт программисидин сирт Алимҗан Бавдиновниң той тоғрисидики һәҗвий вә Мурат Әйсаровниң «Ана һәққидә» җиддий монологлири тамашибинни чоңқур ойға салса, «VAY TANG» дуэти билән Бәхитҗан Савурҗановниң сәһнигә елип чиққан миниатюриси тамашибинларни күлкигә ғәриқ қилди.

«Уйғур авази» гезити, 17 март 2016 жил

«Doppalіfe.com» интернет портали әтрапиға жиғилған уйғур яшлири өткән һәптидә җәнубий пайтәхтниң «Dіscount Bar» диско барида «Допиңиздин өргиләй» намлиқ кәч уюштурди. Кәчниң алаһидилиги шуниңдин ибарәтки, бу йәргә жиғилғанларниң һәммиси уйғурниң миллий дописида кәлди. Әнди дописи йоқлар шу күни залда көпчилик диққитигә һавалә қилинған түрлүк-түмән допилардин өзлиригә яққинини сетивелип, кәч меһманлириға қошулди.

Кәчниң ечилиш мәрасимида «Пәрваз» иҗрачилар бирләшмиси рәисиниң орунбасари Райим Һәмраев миллий түс алған ушбу мәрасим меһманлирини сәмимий тәбриклиди. Уйғур яшлириниң бешини қошуватқан интернет порталниң асасини салғучи һәм бу муһим чарә-тәдбирниң уюштурғучиси Сүлфи Мәшрәпов болса, әҗдатлиримиздин мирас қалған допа һәққидә чүшәнчә берип, бүгүнки кәч беваситә униңға беғишланғанлиғини вә яшлиримизниң миллий мәдәнийитимизгә дегән көзқаришини яхшилаш мәхситидә өткүзүлүватқанлиғини ейтип өтти. Андин кәчниң турақлиқ риясәтчиси Ялқун Нурахунов меһманлар арисида «Допиңиздин өргиләй» мавзусида конкурс уюштуруп, өзиниң хуш чақчақлири арқилиқ иштракчиларға көңүллүк кәйпият һәдийә қилди. Яш сәнъәткарлар Әхмәтҗан Тайиров, Расул Зайитов вә «Дилдар» топиниң әзалири йеқимлиқ нахша-сазлар билән кәч меһманлириниң көңлидин чиқти.

Дорогие друзья! Предлагаем вашему вниманию радио-интервью  солиста группы «Rin’Go» Адылжана Умарова https://parvaz.kz/index.php/adyljan-umarov для передачи «Достлуқ» журналиста Гульжамал Аметбакиевой  на 101 FM  «Қазақ радиосы». Передача была в эфире радио в прошлом году. Приятного прослушивания.

Embed Embed this video on your site

Раш Тохтахунов  в телепередаче «Добрый день»

Предлагаем вашему вниманию видео с Рашем Тохтахуновым https://parvaz.kz/index.php/rash-ravshan-tokhtahunov на телеканале «Білім және Мәдениет»  в телепрограмме «Добрый день» с ведущими - Мария Думан и Чингиз Капин.

Dim lights Embed Embed this video on your site

Дорогие друзья, поклонники творчества ансамбля Тарим https://parvaz.kz/index.php/ensemble-tarim , предлагаем вашему вниманию новую песню «Дедиң», музыку написал руководитель ансамбля, всеми любимый Полат Изимов https://parvaz.kz/index.php/polat-izimov , с чьих рук вышли почти все песни этого прекрасного коллектива. Слова песни написал  Момун Хамра. Приятного прослушивания.

Embed Embed this video on your site

Друзья, предлагаем вашему вниманию кавер-версию песни популярного исполнителя Аrchi-М «Я просто буду любить тебя»( слова и музыка Аrchi-М) в исполнении молодого исполнителя Руфата Аметова https://parvaz.kz/index.php/rufat-ametov

Embed Embed this video on your site