«Уйғур авази»  гезити 10 март, 2016 жил

Йеқинда Әмгәкчиқазақ наһийәсиниң Ғәйрәт йезисида новәттики «Яшлар мәшриви» өтти. Адәттикидәк, рәсим-қаидилиригә мувапиқ башланған мәшрәпниң давами күтүлмигән қизиқчилиқларға улашти. Чүнки уйғурлар арисида «шансончи» дегән намға сазавәр болған Алимҗан Зулпиқаров таланти билән жутдашлиримизни һәйран қалдурди. Әнди «Мезан өйи» телепрограммисиниң қатнашқучиси Рашид Давутов мәшрәпниң мәзмунини техиму бейитти. Хошна Маливай йезисидин қәдәм тәшрип қилған «Тәңритағ» ансамбли билән қаратуруқлуқ Назим Илахуновниң дилраба нахшилири сорунға миллий түс берип, көпчиликниң көңлидин чиқти. Равиль Бақиевниң өткүр чақчақлири болса, мәшрәпкә техиму «җан киргүзүп», көпчиликни күлкигә ғәриқ қилди.

Интайин қизиқ өткән мәшрәпниң ахирида йезимизниң мәдәний һаятини җанландуруп, оттуз оғулниң көңлидин чиқишқа бар күч-ғәйритини сәрип қилип жүргән бирқатар милләтпәрвәр жутдашлиримизға Пәхрий ярлиқлар тапшурулди.

Абдулҗан АЗНИБАҚИЕВ.

Әмгәкчиқазақ наһийәси.

http://uyguravazi.kazgazeta.kz/?p=22990#more-22990