Новости от Doppalife.com
13 декабрь күни эстрада юлтузи, ярқин сәнъәткар, мәрһум Мурат Насиров намидики конкурс «Doppalіfe» уйғур яшлириниң Интернет порталиниң вә "Аламәт" продюсерлик мәркизи уюштуруши билән Уйғур театрида өтти.
Мәлумки, ушбу конкурсни дәсләп мәрһум Мурат Насировниң йеқин дости, тонулған сәнъәткар Полат Һезимов қолға алған еди. Кейинирәк бу изгү ишниң тизгини «Doppalіfe» Интернет порталиға тапшурулған. Шундақ қилип, жигирмигә йеқин талант егиси иштрак қилған мусабиқигә композитор Қәһриман Иминов, хәлқимизниң булбули Нуралим Варисов, продюссер Гүлвира Илахунова-Яри, «Дәрвишләр» топиниң әзаси Райим Һәмраев, нахшичи Дилназ Əхмәдиева вә «Ринго» топиниң нахшичиси Адилҗан Өмәров кәби сәнъәткарлар қазилиқ қилди. Конкурс "Жанан" қизлар фонди, "Ипар" сода ширкити, "Пәрваз" уйғур ижрачилар бирләшмиси вә "Тәңритағ" телеканалиниң қоллап қувәтлиши билән болди. Һозуруңларға конкурстин болған видео репортажни һавалә қилимиз. Йеңилиқлардин хәвәрдар болуң.
______________________________________
13 dékabr küni éstrada yultuzi, yarqin sen'etkar, merhum Murat Nasirow namidiki konkurs «Doppalіfe» uyghur yashlirining Intérnét portalining we "Alamet" prodyusérlik merkizi uyushturushi bilen Uyghur téatrida ötti.
Melumki, ushbu konkursni deslep merhum Murat Nasirowning yéqin dosti, tonulghan sen'etkar Polat Hézimow qolgha alghan édi. Kéyinirek bu izgü ishning tizgini «Doppalіfe» Intérnét portaligha tapshurulghan. Shundaq qilip, jigirmige yéqin talant égisi ishtrak qilghan musabiqige kompozitor Qehriman Iminow, xelqimizning bulbuli Nuralim Warisow, prodyussér Gülwira Ilaxunowa-Yari, «Derwishler» topining ezasi Rayim Hemraéw, naxshichi Dilnaz Əxmediéwa we «Ringo» topining naxshichisi Adiljan Ömerow kebi sen'etkarlar qaziliq qildi. Konkurs "Janan" qizlar fondi, "Ipar" soda shirkiti, "Perwaz" uyghur ijrachilar birleshmisi we "Tengritagh" télékanalining qollap quwetlishi bilen boldi. Hozurunglargha konkurstin bolghan widéo réportajni hawale qilimiz. Yéngiliqlardin xewerdar bolung.

Dim lights Embed Embed this video on your site