«Уйғур авази» гезити , 16 декабрь 2016 ж.

Йеқинда Яркәнт шәһиридики «Ирадә» кафесида «Doppalіfe» интернет-портали топиниң уюштуруши билән новәттики «Допиңиздин өргиләй» намлиқ яшлар кечи болуп өтти.Кәчкә Панфилов наһийәсиниң җай-җайлиридин яшлар һәм Алмута шәһиридин вә башқа наһийәләрдин кәлгән меһманлар қатнашти

Мәлумки, бу заманивий яшларниң бешини қошидиған кәч интернет-портал тәрипидин уюштурулуп, көпчиликниң көңлидин чиқиватиду. У дәсләп Алмутида башлинип, һазир хәлқимиз вәкиллири зич яшайдиған башқиму шәһәр, наһийәләрдә өткүзүлүватиду. Әнди Яркәнттики кәчниң асасий җәһәттин җәнубий пайтәхттә өткән кәчләргә бираз охшаш болсиму, бир мунчә алаһидиликләргә егә болди. Мәсилән, кәч башлиништин илгири бу йәргә меһман сүпитидә қатнашқан Панфилов наһийәлик Уйғур этномәдәнийәт мәркизиниң рәиси Дилшат Насиров уйғурниң миллий дописи һәққидә қисқичә чүшәнчә бәрсә, «Doppalіfe» яшлар порталиниң рәиси Сүлфи Мәшрәпов кейинки вақитларда аммибаплиққа айланған яшлар ториниң мәхсити вә бүгүнки нәпәси тоғрисида тәпсилий ейтип өтти.

Шуни ейтиш керәкки, бу кәчниң меһманлири, адәттикидәк, уйғур дописини кийип, кәчниң қизиқарлиқ өтүшигә өзлириниң үлүшини қошти. Алмутидин алаһидә тәклип қилинған яш риясәтчиләр Ринат билән Бағдан вə яркәнтлик риясәтчиси Сулайман Айдаров кәчни бирликтә елип маңди. Мәрасимда яш нахшичилар — Абдурешит Һошуров, Расул Зайитов, Расул Қурбанов вә Алимҗан Зулпиқаров қатарлиқ талантлиқ иҗрачиларниң һәм «Дидар» в»ә «Тулпар» топлириниң йеқимлиқ нахша-сазлири меһманларға хуш кәйпият һәдийә қилди.

Адиләм МӘСИМҖАН.

Алмута шәһири.

http://uyguravazi.kazgazeta.kz/?p=27594#more-27594