«Уйғур авази» гезити, 11 август 2016 ж.

Өткән йәкшәнбидә АҚШ­ниң даңлиқ Лос-Анжелес шәһиридики «Калифорния плаза» мәдәнийәт мәйданида ШУАРлиқ нахшичи, уйғур хәлқиниң нахша-күй ханиши Сәнәвәр Турсунниң қатнишиши билән чоң концерт программиси уюштурулди. Талантлиқ иҗрачи өзиниң әҗайип йеқимлиқ вә нәпис авази билән уйғур нахша-муқамлирини бабиға йәткүзүп орунлап, тамашибинлар қәлбини тәврәтти. Сәнәвәр ханимниң бу сәпириниң қедимий миллий сәнъитимизни америкилиқларға тонуштурушта алаһидә әһмийәткә егә болғанлиғи талашсиз.

АҚШта тунҗа қетим өтүватқан бу сәнъәт кечилигидә ШУАРлиқ нахшичиға тәмбүрчи Миҗит Юнус, ғеҗәкчи Адил Аблиз җор болди. Шундақла Франциядин кәлгән уссулчи Муқәддәс Миҗитниң әвришим уссуллири концертни техиму җанландурди.

Буниңдин илгири Сәнәвәр Турсун Түркия, Англия, Германия әллиридә нахша кечиликлирини өткүзүп, тамашибинларниң қизғин алқишиға еришкән.

www.rfa.org

http://uyguravazi.kazgazeta.kz/?p=25546#more-25546