| «Сөйгү садаси» — Яркәнттә. | |
|
|
«Уйғур авази» гезити, 5 август, 2016 ж.
Бүгүн яш сәнъәткарлиримиз арисида хәлқимизгә йеқимлиқ авази билән тонулған аммибап нахшичилиримиз аз әмәс. Шуларниң бири — күлкә маһири, талантлиқ нахшичи Расул Зайитов. Расул «Мән сени яхши көрүмән», «Төрт қиз», «Атам жути», «Опа-опа» охшаш яшлар арисида аммибап нахшиларниң орунлиғучиси. Расулниң «Сөйгү садаси» намлиқ дәсләпки йәккә концерти 2011-жили Алмута шәһиридә өткән еди. Йеқинда Расул Зайитов өзи туғулуп өскән Яркәнт тәвәсидә «Сөйгү садаси — 2» йеңи концерт программисини тамашибинларға һавалә қилди. Концерт давамида риясәтчи Данияр Қунахунов билән Расулниң чақчақ-ләтипилири тамашибинларға күлкә беғишлиған болса, ШУАРдин кәлгән талантлиқ нахшичи Ғәйрәт Ваһапниң йеқимлиқ нахшилири билән қәлбләрни тәврәтти. Расулни қоллап кәлгән нахшичилар Марат Савутов, Әзиз Семәтов, Шахмурат Баһамов вә «Долан» уссулчилар топи концертниң мәзмунини техиму җанландурди.Концерт ахирида сәһнигә көтирилгән Панфилов наһийәлик Уйғур этномәдәнийәт мәркизи Мәдәнийәт вә сәнъәт кеңишиниң рәиси Әквәрҗан Исмайилҗанов яш талант егисигә иҗадий утуқ вә кәлгүсидә репертуариниң йеңи нахшилар билән бейишиға тиләкдашлиқ билдүрүп, маддий вә мәнивий соғиларни тапшурди. Молутҗан ТОХТАХУНОВ. Панфилов наһийәси. |
