«Уйғур авази» гезити, 20 май 2016 ж.

Дилназ Әхмәдиева – Қазақстан эстрада сәнъитидә тинмай әмгәк қилип келиватқан аммибап сәнъәткарлиримизниң бири.  Йеқинда униң «Strength іn my soul» намлиқ инглиз тилида йоруқ көргән альбоминиң тонуштуруш мәрасими болуп өтти. Мәрасимға униң йеқинлири вә Қазақстан эстрада юлтузлири тәклип қилинди.

Ядиңларда болса, өткән жили Дилназ төрт тилда төрт хил альбоми үстидә ишләватқанлиғи тоғрисида хәвәрлигән еди. Өткән жили қазақ вә рус тилидики альбомлири йоруқ көрди. Бу униң вәдә қилған үчинчи альбоми. Демәк, новәт, әлвәттә, уйғур тилидики альбоми. Буни йүз миңлиған уйғур тамашибинлири күтүватқанлиғи талашсиз. «Gakku tv» телеканилида бәргән сөһбитигә асаслансақ,  нахшичиниң ейтишичә, уйғур тилидики альбомини өзиниң Алмутидики Җумһурийәт сарайида өтидиған новәттики концертида тонуштурмақчи.

Молутҗан ТОХТАХУНОВ.

http://uyguravazi.kazgazeta.kz/?p=24077