«Уйғур авази» гезити, 20 май 2016 ж.

Йеқинда елимиз пайтәхти — Астана шәһиридики «Жастар» сарийида «Күн шуақ kz» җәмийәтлик фонди тәрпидин уюштурулған җумһурийәтлик «Сәлем, Астана» конкурс-фестивалиға «Аsia Plus records» студиясидин қатнашқан бәш иҗрачи гөдәкниң һәммиси мукапатлиқ орунларға еришти. Улар — А.Розибақиев намидики  153-мәктәп-гимназияниң оқуғучилири Илшат Аршалим (10 яшлиқлар арисида Гран-При), Камиләм Хаңзатова (11 яшлиқлар арисида І орун), Ратмир Ғоҗамбәрдиев (6 яшлиқлар арисида ІІІ орун ), М.Яқупов намидики 101-мәктәп-гимназияниң оқуғучиси Давутҗан Аюпҗанов (8 яшлиқлар арисида І орун) вә 121-мәктәпниң оқуғучиси Камиләм Қавдунова (10 яшлиқлар арисида ІІІ орун).

Бу талантлиқ гөдәклиримиз пәқәт ана тилимиздила әмәс, қазақ, рус, инглиз, италиан тиллиридики нахшиларни жуқури дәриҗидә  иҗра қилип, конкурс уюштурғучилири билән қатнашқучилириниң алқишиға сазавәр болди.

– Бүгүнки  күндә һәрқандақ ишни мәбләғсиз һәл қилиш мүмкин әмәс, —  дәйду «Аsia Plus records» студиясиниң рәһбири, иҗрачи һәм композитор Сәһәрдин Йүсүпов. https://parvaz.kz/index.php/sakhardin-yusupov — Шуңлашқиму, пурсәттин пайдилинип, бизгә йеқиндин ярдәм қолини сунған Астанадики «Уйгурочка» кафесиниң мудири Фармен Җәмиевқа, «Ғулҗа» кафесиниң ғоҗайинлири Абдумүлүк вә Рошәнгүл Сәйдуллаевларға һәм «Уют» кафесиниң мудири Саид Миминовқа  чәксиз миннәтдарлиғимизни билдүримиз.

Фируза Нәвирдинова.

http://uyguravazi.kazgazeta.kz/?p=24059