«Уйғур авази» гезити, 14 апрель 2016 ж.

Йеқинда аммибап «Дәрвишләр» топиниң йеңи альбоми йоруқ көрди. Альбом «Музыка моя» дәп атилиду. Бу альбомға «Дәрвишләрниң» кейинки төрт-бәш жилда иҗат қилған нахшилири кирди, — дәйду топниң әзаси Райим Һәмраев. — Нахшилар уйғур, қазақ, рус, әрәп тиллирида орунланған. Буларниң ичидә «Ассаламуалайкум», «Молчиливая любовь», «Тюбетейка» нахшилириға клип чүширилип, телевизиядә намайиш қилиниватиду. Әнди қазақ тилида орунланған «Айгүлүм» нахшисиға клип чүширип болдуқ. Бу клипни күздә телевизиядә көрситиш планимиз бар.

Тәкитләш лазимки, «Музыка моя» альбоми, адәттикидәк, «Дәрвишләрниң» стилида безәлгән һәм жуқури сүпәттә йезилған. Альбом 8-апрельдин башлап Алмута вә Астана шәһәрлириниң чоң дуканлирида сетилишқа башлиди. «Дәрвишләр» топиниң ишқивазлири мәзкүр альбомға өзлириниң мунасип баһасини беридиғанлиғиға ишәнчимиз камил.

Йолдаш МОЛОТОВ. http://uyguravazi.kazgazeta.kz/?p=23560#more-23560