| «Яңра нахшам» | |
|
|
А.Ө. Жолдасбеков намидики Студентлар сарайида Қазақстан Уйғурлири Жумһурийәтлик Уйғур этномәдәнийәт мәркизиниң қоллап –қувәтлиши билән «ARTUR PRODUCTION» мәркизиниң уюштуришида «Яңра нахшам» намлиқ гала концерт болуп өтти. Концерт башлиништин авал сәһнигә көтирилгән ЖУММ сабиқ рәиси вә муавин рәиси Әхмәтжан Шардинов вә Асимжан Злавдинов, Жигит башлири кеңишиниң рәиси Абдурешит Мәхсүтовлар алдимизда келиватқан сайламға паал қатнишиши тәләп қилғач, улуқ Ғалибийәтниң 70 жиллиқ вә Қазақстан Хәлқи Ассамблеясиниң 20 жиллиқ тәвәллуди билән тәбриклиди. Андин риясәтчиләр Әзиз Сәйптулла билән Дилшат Закировлар өзиниң мәнилик нутуқлири вә хуш чақ-чақлири арилашқан һалда нөвәт билән яш сәнъәткарларни елан қилип турди. Марат Савутов, Муштари Исламова, Расул Розиев, Расул Зайитов, Сейитжан Зайитов, Пархат Молотов, Бахара, Зулпиқар Зайитов, «Яйра» дуэти, Феруза Джалалова, «Дияр» вә «Нур» топлири, Jaffa, Ихтиер Раджабов, «Аманисахан», «Наргиз» уссул ансамблири вә башқиму сәнъәткарларниң зилва аһаңлиқ нахшилиридин тамашибинлар бәһир алди. Шуниң билән бир қатарда қизиқчилар Бәхитжан Савуржанов, Алимжан Бавдуновларниң һәзил чақ-чақлири һәмминиң көңлидин чиқти. Бу йәрдә риясәтчиләрниңму пухта тәйярлиғини алаһидә тәкитләш орунлуқтур. Концерт ахирида сөз алған ЖУММ рәисиниң ижраий мудири Зихруллам Қурванбақиев, «Уйғур авази» гезитиниң муһәррири Ершат Әсмәтов, шаирә Патигүл Мәхсәтовалар мәзкүр концертни уюштурушта көп күч чиқарған сәнъәткар Артур Илахунов https://parvaz.kz/index.php/2012-04-11-15-12-21 алаһидә миннәтдарлиғини билдүрди. Кәлгүсидиму яхши ишларниң башламчиси болушқа тиләкдашлиқ билдүрди. Концерт наһайити көңүллүк вә тәсирлик өтти.
Редакциядин: Мәйрәмгә толуп ташқан баһар пәслиниң ахирқи күни йәни 31-май Жумһурийәт сарайида «Баһар наваси -2015» намлиқ концертиға қизғин тәйярлиқлар башлинип кәткәнлигини хәвәрлимәкчимиз. Силәр көрүшкә тәшна болуватқан көплигән сәнъәткарлиримиз бу концертқа қәдәм тәшрип қилмақчи. Улар кимләр, һазирғичә сир болсун! Диққитиңиз www.parvaz.kz сайтида болсун. Молутжан Тохтахунов |
