«Уйғур авази» гезити, 16 апрель 2015 ж.

Мукапат мубарәк!/ Язғучи драматург Әхмәтҗан Һашириниң «Ялғуз ялпуз» драмиси Чимкәнт шәһиридә өткән ІІІ Җумһурийәтлик миллий театрлар фестивалидин «қуруқ қол» қайтмиди. Бу фестиваль Қазақстан хәлқи Ассамблеясиниң 20 жиллиғиға беғишланди.

Шуңлашқа униңға иштрак қилған спектакльлардиму достлуқ мавзуси «пурап» турди. «Ялғуз ялпуздиму» уйғур билән қазақниң хошнидарчилиғи тоғрилиқ сөз болиду. Фестивальниң йәкүни чиқирилғанда бу һәққидә СССР вә Қазақстан хәлиқ артисти Асанәли Әшимов рәһбәрлигидики қазилар топи өзлириниң иллиқ ләвзини билдүрди. Шуниң билән биллә улар спектакльни сәһниләштүргән режиссер, Қазақстанниң хизмәт көрсәткән әрбаби Ялқунҗан Шәмиевниң әмгигиниму алаһидә тилға алди. Адил қазилар спектакльниң техиму утуқлуқ чиқишиға бар күч-ғәйритини сәрип қилған яш актерларниң талантини жуқури баһалиди, җүмлидин Халмурат Мунаров билән Саһирәм Шәрипова «Әң яхши әр роли үчүн» вә «Әң яхши аял роли үчүн» номинациялири бойичә ғалип чиқти.

Бәхтишат СОПИЕВ.

http://uyguravazi.kazgazeta.kz/?p=17972#more-17972