Дилназ Әхмәдиеваниң биржиллиқ тапавити намәлум

«Уйғур авази» гезити 29 январь 2015 ж.

Өткәндә Қазақстандики Forbes рейтинг агентлиғи Қазақстан эстрадисидики әң бай он нахшичи вә топларниң тизимини елан қилди. Шундақ қилип, тизимдики дәсләпки орунни яшларниң сөйүмлүк нахшичиси Қайрат Нуртас егиләпту. У жигирмә бәш йешида 9 альбом чиқирип, «Өкініш» намлиқ өзиниң биографиялиқ фильмини чүширип үлгәргән. Агентлиқниң йезишичә, Қайратниң  2013-жилқи тапавити 2 миллион АҚШ доллиридин ешип кәткән.Әлвәттә, бу йәрдә «У шунчә пулни пәқәт нахша ейтип таптиму?» дегән соалниң туғулуши тәбиий. Әлвәттә, яқ. Қайратниң униңдин башқа шәхсий тиҗаритиму бар. Шәхсий журнал, кийим-кечәк тикиш цехи вә башқилар. Әнди  униң «той- бизнестики» тапавитиму яман әмәс. У бир тойдин 7000 АҚШ доллиридин кам алмайдекән.

Иккинчи орунда «Музарт» топи туриду. Жигитләрниң бирқетимлиқ тойдики тапавити 6000 АҚШ доллиридин кам әмәс екән. Шундақла уларға нахша йезиш студиясидинму бираз кирим кирип туридиған охшайду.

Үчинчи орундики әң бай нахшичилар Қыдырәли билән Қарақат. Улар тойға 6000 АҚШ доллиридин кам бармайду. Әр-аялниң «Бал-Бала» қочақ цехиму хелә нурғун тапавәт бериду.

Шуниңдин кейин тизимни эстрада юлтузлири Мәдина Сәдуақасова, Дилназ Әхмәдиева https://parvaz.kz/index.php/dilnaz-ahmadieva, Лидо вә «Ринго», «Кешью» топлири билән «Жігіттер» квартети давамлаштуриду. Онинчи орунда яш нахшичи Әли Оқапов туриду Ахирқилириниң қанчә пул тапидиғанлиғи һәққидә ениқ мәлуматлар йоқ.

Бәхтишат СОПИЕВ.

http://uyguravazi.kz/?p=16843#more-16843