«Дәрвишләр» топиниң қурулғиниға 15 жил толуши мунасивәтлик 18 нахшисиниң мавзуси билән түзүлгән шеир

Унтулдуруп бир мәһәл ғәм-тәшвишләр

Йәнә нахшаң яңратқин әй, «Дәрвишләр».

«Сөйгүнамә» жүрәктә мәңгү үчүн

Амрақ екән тиңшашқа әл-кишиләр.

Дилда янған «Тойнамә» йетип көпниң

Болуп қалди символи муһәббәтниң.

«Ясминниң» һөснидин өлди «Жанәй»,

Тәңдашсизғу сезими садақәтниң.

Яхшилиқни «Жан ата» дилға салди,

Меһриванлиқ «Анидин мирас» қалди.

«Бүйүк бөшүк нахшиси» аниларниң

Пәрзәнтләрниң бойиға сиңип, барди.

«Әзиз достлар» барида яйрап-ойнап,

«Жаһанимни» кезәйли мәйрәм тойлап.

Әйнә яру-бурадәр «Айналада»

Қол тутушуп кетәйли Или бойлап.

Күй-нахшаңға қайилмән, башқа нетәй,

«Қейин анам» қәдригә ахир йетәй.

Қув, ялғанчи «Нәсирдин әпәндимниң»

Қапқинидин «Дале-далеко» кетәй.

Он бәш яшта жүрисән ойнап «Вәлләй»,

«Мехбубани» техичә дәйсән сөйәй.

«Қизил лалә» тәргили барамсиләр?

Кәттуқ, «Яркәнт беғини» сәйлитип келәй.

Абдулжан Азнибакиев https://parvaz.kz/index.php/abduljan-aznibakiev