Мустәқиллик мәйрими мубарәк болсун!!!

Көп милләтлик  Қазақстан Жумһурийити Йеңи жилға қәдәм бесиш алдида өзиниң новәттики жигирмә биринчи баһари тойлаватиду. Течлиқ вә разимәнлик, достлуқ вә иттипақлиқ, тәрәққият вә риқабәткә қабил болушниң үлгиси болуп келиватқан Вәтинимиз Қазақстан XXI әсирдә өзиниң 21 баһарини тойлиши бу әлвәттә тилға аларлиқ юбилейлиқ дейишкә әрзийдиған тәнтәнилик сәнә. Елимизниң иттипақлиғи һаман тәрәққиятқа қарап интилиши бу әлвәттә Президентимиз Н.Ә.Назарбаевниң  дана сәяситиниң арқисидин дәп билимиз. Елимизниң бебаһа байлиғи һесапланған милләтләр достлуғи –бу дуния бизгә һәвә билән беқишқа қаритилған әңгүштәримиз. Демәк мошу мәйрәм һарписида тиләйдиғинимиз мустәқил елимиздә течлиқ вә паравәнлик, достлуқ вә разимәнлик мәңгү егиз көтириливәрсун. Әңгүштәримиз һесапланған милләтләр ара достлуғимизни дат басмиғай. Мустәқиллик күни мубарәк қериндашлар ! Яша өлкәм! Яшна өлкәм ҚАЗАҚСТАН!

«Пәрваз» уйғур ижрачилар бирләшмиси

Гөзәл өлкәм

Қазақ достум әркин яйрап далариңда,

Хошаллиқта өтәр дайим  күнүм, өмрүм.

Достлуқ күйин  сазға селип  дутаримда,

Достлуқ дегән бәхит туғин сәндә көрдүм..

Хошал бүгүн сән билән тәң қазақ достум,

Мустәққиллик қут байримиң мубарәк дәп.

Нахша ейтип қут дияр дәп аваз қоштум,

Барчә милләт чин достлуқтин қуруп һәм сәп.

Қойнуң кәңдур дайим маңа гөзәл өлкәм,

Ронақ тапар тарихлирим улуқ  тилим.

Һәмра болғач дайим маңа яңрақ күлкәм,

Мискинликтин дава тапар сунуқ дилим.

Шөһритиңгә, қудритиңгә апирин әйләп,

Өмлүгиңгә барчә дуния қалди һәйран.

Уйғурумға дайим пана болуп кәлдиң,

Каж тәғдирдин болғанда у сәрсан вәйран.

Күйлириңгә тәңкәш қилип муқамимни,

Сазға салдим сап һава һәм далариңни

Мустәқиллик истигәчкә шох дилимму,

Тапса дәймән сән охшаш өз даварини.

Һәвәс билән бақар саңа тәғдиримиз,

Охшап қалғай тутқан йолуң кәлгүсимиз.

Шу чағдиму достлуқ қолин мәккәм тутуп,

Яңрап күлкәм, яйрап өтсун һәр күнимиз.

Язған Молутжан ТОХТАХУНОВ