| Баш мукапатни йеңивалди | |
|
|
Баш мукапатни йеңивалди «Уйғур авази» гезити 30.03.23 Өткән һәптидә Өзбәкстан пайтәхти Ташкәнт шәһиридә “Сәнъәт вә мәдәний мирас” лайиһиси даирисидә Art Silk Way хәлиқара уссул сәнъити конкурси өтти. Униңға Қазақстан, Өзбәкстан, Қирғизстан, Россия вә Белоруссияниң сәнъәткарлири қатнашти.
Йолдаш МОЛОТОВ, «Уйғур авази»
Мәзкүр конкурсниң асасий мәхсити – хәлиқләрниң мәдәний тәрәққиятиға ярдәмлишиш, дөләтләрара һәмкарлиқни күчәйтиш, талантлиқ яшларни һәртәрәплимә қоллап-қувәтләш.
Конкурсниң биринчи басқучида Қазақстан Мудапиә министрлиги Миллий һәрбий-вәтәнпәрвәрлик мәркизиниң эстрада-уссул топиниң уссулчиси, қатардики җәңчи Рәхмәтҗан Йолдашев уйғур хәлқиниң даңлиқ “Тавақ уссулини” орунлап, конкурсниң Супер-Гран-при мукапитини йеңивалди. Униң мошу йәккә уссули жюри әзалири тәрипидин жуқури баһалинип, кубок вә мәхсус диплом билән тәғдирләнди. Тәкитләш лазимки, өткән жили Ташкәнттә Өзбәкстан вә Қазақстан һәрбий күчлириниң иҗадий коллективлири арисида мәдәнийәт һәм һәрбий-вәтәнпәрвәрлик саһалирида һәмкарлиқни күчәйтиш тоғрилиқ меморандум имзаланған еди. Шу вақитта хәлиқара конкурсни уюштурғучилар талантлиқ уссулчи Рәхмәтҗан Йолдашевни таллап, униң мошу конкурсқа қатнишишини мувапиқ көргән еди. |
