«Уйғур авази» гезити, 31 март 2016 ж.

Мәктәп һәрқандақ балиниң билиминила әмәс, шундақла талантиниму йетилдүридиған муқәддәс җай. Пәрзәнтлиримиз мәктәптә қолиға қәләм тутуш билән йезишни үгинипла қалмай, бәлки бойиға әң алий инсаний хисләтләрни сиңдүрүп чиқиду. Балиниң ата-анисиға намәлум хисләтлири мәктәптики устазға аян болуши мүмкин.

Буниңдин он бир жил илгири гимназияниң босуғисини әндила атлиған биртоп «шох жигитләрдин» өзгичә бир шохлуқнила әмәс, шундақла улардики музыкиға болған иштияқни байқидим. Музыка пәни муәллими болуш сүпитим билән, мән улардики бу талантни риваҗландурғум кәлдидә, «Шох жигитләр» дегән нам билән топ қурдуқ. Дәсләп үч балидин тәркип тапқан топ тәркиви вақит өтүши билән йәниму толуқлинишқа башлиди. 11 жил мабайнида қәдәмму-қәдәм «Шох жигитләр» гимназия ичидики, наһийәлик, вилайәтлик, һәтта җумһурийәтлик чоң-кичик мусабиқиларда мукапатлиқ орунларға қол йәткүзүши шәхсән мениң үчүн, мәктивимиз вә умумән хәлқимизгә чоң утуқларни  елип кәлди.

«Шох жигитләр» тәркиви һәртүрлүк әһвалларға бенаән, өзгирип турған болсиму, уларниң асасий тәркиви сақлинип, һазир улар — Имран Иминҗанов, Абдурасул Абдумаҗитов, Ильмудин Музәппәров, Ислам Варисов вә Рамзат Мамутов һазирму көплигән сәһниләрдә өз маһаритини намайиш қилип келиватиду.

Мән «Шох жигитлирим» билән пәхирлинимән вә уларниң келәчигидин зор үмүт күтимән.

Надийәм ТАЙИР,

А.Розибақиев намидики 153-мәктәп-гимназияси музыка пәни муәллими.

http://uyguravazi.kazgazeta.kz/?p=23324#more-23324