| Хошаллиқ дәмлирини беғишлиди | |
|
|
«Уйғур авази» гезити , 6 январь 2015 ж. Мәйрәмлик кәйпият/ Йеңи жил һарписида имканийити чәкләнгән балилар үчүн «Инайәт» ассоциациясиниң уюштуруши билән йеңижиллиқ Арча мәйрими болуп өтти. «Береке» ресторанида өткүзүлгән бу чарә-тәдбиргә 100дин ошуқ нака балилар билән уларниң ата-анилири қатнашти.Дәсләп балиларни география пәнлириниң доктори, Әл-Фараби намидики Қазақ миллий университетиниң профессори Шерипҗан Надиров тәбриклиди. Андин Қиш бовай билән Қар қизи бир саат давамида балиларниң көңлини көтәрди. Балиларни Йеңи жил мәйрими билән тәбрикләп кәлгәнләр америкилиқ «Консалтинг Азия» мәркизиниң хадимлири, «Җанан» аяллар клуби балиларға һәрхил оюнчуқларни, кийим-кечәкләрни тапшурди вә тәминати начар аилиләргә 50 000 тәңгә ианә қилди. «Дилназ» кафесидин Зумрат Абдурешит қизи, «Назугум» фондиниң мудири Зоһра Самсақова, шәхсий кархана егиси Шәмшинур Мәхсүтова балиларға мәйрәмлик соғиларни берип, меһманларниң миннәтдарлиғиға еришти.
Тонулған нахшичи Халима Шаваева йеқимлиқ нахшилири билән меһманларға арамбәхш дәмлирини һәдийә қилди.
Балиларму Арча мәйримигә қуруқ қол кәлмәпту. Улардин Асимҗан Һапизов, Ержан Дүйсенбиев уйғурчә-қазақчә нахшиларни, Нигара Тохтахунова вә Шакир Авутов миллий уссулларни жуқури маһарәт билән орунлап, һәмминиң кәйпиятини көтиривәтти. Мәйрәмниң ахирида балиларға «Асфальтобетон-1» заводи билән «БеНТ» ширкәтлири тәрипидин тәйярланған соғилар тапшурулди. Йеқимлиқ нахша-саз, әвришим уссуллар, тәмлик таамлар билән өткән бу мәйрәм көңли пучулған балилар вә уларниң ата-анилириниң хатирисидә узақ сақлинидиғанлиғи талашсиз. Тәлъәт ҺӘМРАЕВ. Алмута шәһири. Мәлумки, Мәдәнийәт өйила әмәс, һәтта клуби, балилар бағчиси йоқ йезиларму бар. Мана мошундақ камчилиқниң орнини бираз болсиму толтуруш мәхситидә Ғәйрәт йезисиниң яшлири Йеңи жил һарписида йезидики 3 я???? 5??????? ?????? 85?????? ???? ???штин 5 яшқичә болған 85 гөдәк үчүн мәйрәм уюштурди. Қиш бовай, Қар қиз, Маша вә Ейиқ, Ялмавуз момай, Мальвина вә башқиму һәрхил чөчәкләр қәһриманлириниң кийимини кийгән йеза яшлири балиларни һәрхил оюнлар билән қизиқтурди. Арча әтрапида нахшилар ейтилип, уссуллар ойналди. Балилар бағчисини вә мәктәп босуғисини техи атлимиған гөдәкләр өзлирини сехирлиқ дунияға кирип қалғандәк һис қилғанлиғи уларниң чирайлиридин ениқ көрүнүп турди. Балиларни Йеңи жил билән тәбрикләп кәлгән Аси йеза округиниң һакими Орынбасар Төлепов, йезиниң жигитбеши Муһидин Турғанов, наһийәлик Уйғур этномәдәнийәт мәркизи йезилиқ шөбисиниң рәиси Һурийәт Шавдинова, Ханим-қизлар кеңишиниң рәиси Зәйтүнәм Турданова, йеза активисти Елтай Сейтахунов вә ата-анилири мәзкүр чарә-тәдбирниң уюштурғучиси, йеза яшлири кеңишиниң рәиси Ришат Турғановқа разилиғини билдүрди. Арча мәйримигә тәклип қилинған һәрбир бала Қиш бовайниң соғисини елип, жуқури кәйпиятта өйлиригә қайтти. Рашидәм РӘҺМАНОВА. Әмгәкчиқазақ наһийәси. |
