Прошел финал Уйгурской Лиги КВН | |
|
Хушхойлар вә тапқурлар клуби оюниниң финали болуп өтти. «Бирлик» жәмийәтлик фондиниң қоллап-қувәтлиши билән Қазақконцерт залида Хушхойлар вә тапқурлар клуби оюниниң финали болуп өтти. Мәзкүр оюнниң қатнашқучилири; «Ләңмән.сом» (Яркәнт шәһири), «Қизиқ.ru» (Панфилов наһийәси, Дехан-Ғәйрәт йезиси), «Бир қисим адәмләр» (Алмута шәһири), «Хапа болма» (Әмгәкчиқазақ наһийәси, Маливай йезиси), «Допиңиздин өргиләй» (Талғир наһийәси, Бесағаш мәһәллиси) қатарлиқ командилар өз маһаритлирини көрсәтти.
- Адил қазилар тәркиви - Жумһурийәтлик «Уйғур авази» гезитиниң баш муһәррири Ершат Әсмәтов; - «Дәрвишләр» топиниң әзаси Рустәм Һашимов; - Қазақстан Миллий телеканали «Мениң Қазақстаним» программисиниң муһәррири вә жүргүзгүчиси Айидәм Пәхирдин; - «Дәрвишләр» топиниң әзаси Раимжан Һәмраев; - Қ. Ғожамияров намидики жумһурийәтлик Уйғур музыкилиқ-комедия театриниң актери Дилшат Аманбаев. Оюн йәкүнидә сөзгә чиққан уюштуғучи Һакимжан Тохтахунов(https://parvaz.kz/index.php/akimjan-tokhtahunov) , «Бирлик» жәмийәтлик фонди рәисиниң орунбасари Надира Омарова вә адил қазилар ғалип чиққан командиларни тәбрикләп уларға «Бирлик» жәмийәтлик фонди тәрипидин тәйярланған маддий соғиларни тапшурди.
1-орун — Ләңмән.сом» (Яркәнт шәһири) ахчилиқ соға+кубок
2-орун — «Бир қисим адәмләр» (Алмута шәһири) ахчилиқ соға+кубок
3-орун — «Қизиқ.ru» (Панфилов наһийәси, Дехан-Ғәйрәт йезиси) ахчилиқ соға+кубок. |