Мана көптин бери тәшналиқ билән күткән Йеңи жил мәйримиму йетип кәлди. Бу күни биз өткән жилға бирә тола баһа берип, Йеңи жилға йеңи арман вә үмүтләр билән кирип келимиз. Шундақ екән, әзиз тордашлар, Йеңи жилда дилиңларға пүккән арзу-арман, изгү-тиләклириңлар ижавәт болушиға тиләкдашлиқ билдүримиз. Өткән жил биз «пәрвазлиқлар» үчүн наһайити муваппәқийәтлик жиллардин болди дексәк ашуривәткәнлик әмәстур. Қилған ишлиримизни атап ейтмисақму, өзәңлар дайим сөйүмлүк www.parvaz.kz сайтидин турақлиқ оқуп вә оқуш имканийитигә егә болдуңлар! Буларниң һәммимиз «пәрвазилиқларниң» өмлүгидин вә силәр охшаш дилкәш, сәнъәтсөйәр тамашибинлиримизниң арқисидин дәп билимиз. Келәр жилға режимизгә пүкүп қойған ишларму аз әмәс. Һәр қетимқидәк уларниңму муваппәқийәтлик орунлишиши әзиз тамашибинлар силәргә бағлиқ. Бу жили «Пәрваз» уйғур ижрачилар бирләшмисиниң әзалири бу жили көплигән нахшиларни вә онлиған клипларни вә бир нәччә әнъәнивий вә йеңи концертларни, шундақла хәйрихаһлиқ ишлардин чәттә қалмиди. Келәр жилиму һәммимиз үчүн бәрикәтлик, амәтлик вә утуқлуқ жиллардин болғай! Илаһим һәммимизниң өйи бәрикәткә толуп һәр кимниң өйидә хошаллиқ саз нәғмилири яңрап турсун! Йеңи жил мәйрими мубарәк болсун!!!

«Пәрваз» уйғур ижрачилар бирләшмиси